बिदेशी सैनिक अधिकारीहरु पत्नीसहित नेपालमा

भारतको सैन्य कलेजमा अध्ययनरत छ देशका सैनिक अधिकारीहरु एकैसाथ नेपाल आएका छन् ।   

नयाँ दिल्लीस्थित नेशनल डिफेन्स कलेज (एनडिसी) मा सन्चालित एनडिसी कोर्सअन्तर्गत 'रणनीतिक छिमेक अध्ययन भ्रमण'का लागि आरएडिएम सन्दिप एस सन्धुको नेतृत्वमा २१ र परिवारका सदस्य ११ जनासहित  ३४ सदस्यीय टोली आज बिहान काठमाडौँ आइपुगेको हो । भिस्तारा एयरको उडान नम्बर युके-१५७ मा दिल्लीबाट काठमाडौँ ओर्लिएको टोलीमा भारत, अमेरिका,अष्ट्रेलिया,कजाकस्तान, भुटान र ओमानका सैनिक अधिकारीहरु सहभागी छन् । 

भ्रमण दलका सदस्यहरु आजदेखि सेप्टेम्बर ५ सम्म नेपालमा रहने कार्यतालिका छ । होटल सोल्टीमा मुकाम रहेको उनीहरुले भ्रमणका दौरान गर्ने भेटघाटबारे खुलाइएको छैन ।