भित्तामा पोष्टर टाँस्नेलाई कारबाही, समात्नेलाई सम्मान

वीरगञ्ज महानगरपालिकाले जथाभावी भित्तामा पोष्टर टाँस्नेलाई कारबाही गर्ने भएको छ । महानगरभित्रका अधिकांश भित्तामा पोष्टर टाँस्ने क्रम बढेपछि त्यस्तो कार्य गर्नेलाई कारबाहीको चेतावनी दिइएको छ ।

‘वीरगञ्ज महानगरपालिका क्षेत्रभित्र कुनै किसिमको पम्पलेट टाँसी वीरगञ्ज शहरलाई फोहोर, कुरुप बनाउने संघसंस्था, व्यक्तिहरुलाई यस्ता कार्य नगर्न अनुरोध गरिन्छ,’ महानगरले भनेको छ । 

पम्पलेट तथा पोष्टर टाँस्नेलाई पक्रेर बुझाउनेलाई पनि सम्मान गरिने जनाइएको छ । ‘यस्ता पम्पलेट, पोष्टर टाँस्न आउने कुनै व्यक्ति, संघसंस्थालाई समात्न लगाउने व्यक्तिहरुलाई महानगरको सरसफाई व्यवस्थापन शाखाबाट सम्मानित गरिनेछ,’ सूचनामा उल्लेख छ ।