हिमालयको पानीबारे बोल्न काठमाडौं आए भारतबाट पूर्व राजदूत

नेपालका लागि भारतीय पूर्व राजदूत रञ्जित राय काठमाडौं आएर प्रवचनमा जुटेका छन् । हिजो नयाँ दिल्लीबाट आएका उनले भोलि हिमालय क्षेत्रको जलउपयोगिताबारे ललितपुरमा प्रवचन दिने कार्यक्रम छ । 

होटल हिमालयमा आज र भोलि आयोजित साहित्यिक मेलामा पनि उनी सहभागी हुँदैछन् । हिजो दिउँसो भिस्तारा एयरको उडान नम्बर युके १५५ मा चार जनाको टोलीसहित काठमाडौं आएका उनी सोही होटलमा बसेका छन् ।

नेपाल इन्स्टिच्युट फर इन्टरनेशनल कोअपरेशन एण्ड इन्गेजमेन्टको हलमा राखिएको ‘हार्नेसिङ हिमालयन वाटर्स,हाइड्रोपावर कोल्याबोरेशन’ सम्बन्धी विशेष संवादमा सहभागी हुने आयोजक पक्षले बताएको छ ।