पोखरामा भाटभटेनीको अर्को स्टोर

भाटभटेनी सुपरमार्केटले पोखरामा अर्को स्टोर खोल्ने भएको छ । स्थानीय तालचोकमा खोलिने स्टोरका लागि आज शिलान्यास गरिएको छ ।

कम्पनीका अध्यक्ष तथा प्रबन्ध निर्देशक मीनबहादुर गुरुङ र उनकी पत्नी सावित्री गुरुङले भवन निर्माण शुभारम्भ गरेको यो स्टोर भाटभटेनीको २८औँ हो । पोखरामा यसअघि नै भाटभटेनीको एउटा स्टोर सञ्चालनमा छ । 

नयाँ स्टोर करिब एक अर्ब लागतमा सञ्चालनमा आउने जानकारी दिइएको छ । २ लाख २५ हजार ६ सय वर्गफित क्षेत्रफलको स्टोरमा दुईवटा सिनेमा हल हुने छ । काठमाडौं र ललितपुरपछि पोखरा दुई वा सोभन्दा बढी भाटभटेनी स्टोर सञ्चालनमा आउने पहिलो महानगर बन्ने छ ।