बेलायतमा नेपाली इन्जिनियरहरुलाई नेतृत्व छान्न १५ दिन

बेलायतस्थित नेपाली इन्जिनियरहरुको संस्था ‘सोसाइटी अफ नेप्लिज इन्जिनियर्स इन यूके’ मा नयाँ कार्यसमिति चयन भएको छ । शनिबार लण्डनमा सम्पन्न वार्षिक साधारणसभाले इन्जिनियर सुवोध तिमिल्सिनाको अध्यक्षतामा छैठौं कार्यसमिति निर्विरोध निर्वाचित गरेको छ ।

उपाध्यक्ष डा. रुद्र पौडेल, महासचिव मनोज पुन, सचिव संगीता पोखरेल र कोषाध्यक्ष सुमन चालिसे निर्वाचित भएका छन् । सदस्यहरुमा डा. ब्रम्हानन्द सापकोटा, पुकार सिवाकोटी, डा. सूर्यनाथ घिमिरे, सुजन शर्मा र सुजित शर्मा निर्वाचित भएको सोसाइटीले जनाएको छ । सोसाइटीले गत २३ अगष्टदेखि ७ सेप्टेम्बरसम्म निर्वाचन कार्यक्रम गरेको थियो ।

नवनिर्वाचित अध्यक्ष तिमिल्सिनाले आफ्नो ’भिजन’ प्रस्तुत गर्दै बेलायतका नेपाली इन्जिनियरहरुको पेशागत हक हित एवं नेपालमा आफूहरुको सीप र ज्ञान हस्तान्तरण गर्न पहल गर्ने प्रतिबद्धता व्यक्त गरेका छन् । 

यसअघि निवर्तमान अध्यक्ष रुद्र कोइरालाको अध्यक्षतामा सचिव सज्ञान खरेलले सञ्चालन गरेको साधारणसभाले पाँचौं कार्यसमितिको वार्षिक प्रतिवेदन अनुमोदन गरेको थियो । सन् २००७ मा स्थापित सोसाइटीले आफ्ना सदस्यरुको हितका लागि विभिन्न कार्य गर्दै आएको छ ।