नेपाल–पाकिस्तान सम्बन्ध थप प्रगाढ बनाउनेबारे सिंहदरबारमा छलफल

नेपालका लागि पाकिस्तानी राजदूत अब्रार एच. हाश्मीले राष्ट्रिय सभाका अध्यक्ष नारायणप्रसाद दाहालसँग भेटवार्ता गर्नुभएको छ ।

उहाँहरुबीच हिजो दिउँसो संसद सचिवालय, सिंहदरबारस्थित अध्यक्षको कार्यकक्षमा शिष्टाचार भेटवार्ता भएको बताइएको छ । 

भेटमा दुई मुलुकबीच कायम रहेको मैत्रीपूर्ण सम्बन्धलाई थप प्रगाढ बनाउनेलगायत विषयमा कुराकानी भएको बुझिएको छ ।