सेनामा २८ सयलाई जागिरको अवसर

नेपाली सेनाले एकैचोटी ठूलो संख्यामा भर्ती खुलाएको छ । सेनाको भर्ना छनौट निर्देशनालयले प्राविधिक र अप्राविधिक दुबैतर्फ विभिन्न पदमा दरखास्त मागेको हो । 

प्राविधिकतर्फ सैन्य तथा बिभिन्न ट्रेडका फ्लोअर्स पदका लागि भर्ना खुलेको छ । निर्देशनालयले आज निकालेको विज्ञापनमा विभिन्न पदमा २ हजार ५ सय सैन्य र ट्रेडतर्फ १२५ जना माग भएको छ । ट्रेडअन्तर्गत सूचीकार, सफाइकर्मी, लोहाकार, चर्मकर्मी, केशकर्तक चाहिएको सेनाले जनाएको छ । 

त्यस्तै, प्राविधिकतर्फ ११९ जना  मागिएको छ । जसमा डाक्टर, पाइलट, समाचार सम्पादक, बाचक, लाइब्रेरियन लगायत छन्। 

योग्यता पुगेका इच्छुकले आजदेखि मंसिर २९ गतेसम्म अनलाइनमार्फत दरखास्त दिन सक्नेछन् । दोब्बर दस्तुर तिरेर मंसिर ३० गतेदेखि पुस ६ गतेसम्म पनि आवेदन दिन मिल्ने सेनाले जनाएको छ । 

यससम्बन्धी विस्तृत जानकारी नेपाली सेनाको वेबसाइटबाट प्राप्त गर्न सकिनेछ ।