बैतडीमा दुई दिन बिदा
बैतडीको पञ्चेश्वर गाउँपालिकाले स्थानीय मेलाका लागि दुई दिन सार्वजनिक बिदा दिएको छ ।
वडा नम्बर ४, स्थित धुरा कैलपाल मन्दिरमा लाग्ने मेलाका लागि आज र भोलि सार्वजनिक बिदा दिइएको छ । बिदामा पालिकाअन्तर्गत सबै सरकारी कार्यालय, शैक्षिक संस्था एवम् बैंक तथा वित्तिय संस्था बन्द छन् ।
जारी सूचनामा, ‘यस पञ्चेश्वर गाउँपालिका वडा नम्बर ०४, अन्तर्गत धुरा कैलपाल मन्दिरमा मिति २०८१–०८–०६ र ०७ गते धुरा जाँत स्थानीय मेला लाग्ने भएकाले उक्त दुई दिन पालिकाअन्तर्गत सबै सरकारी कार्यालय, शैक्षिक संस्था एवं बैंक तथा वित्तिय संस्थाहरुमा सार्वजनिक बिदा दिइएको....।’ व्यहोरा उल्लेख छ ।
टिप्पणीहरू