एनपीएलको फाइनल खेल हेर्दै प्रचण्ड
नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्ड त्रिभुवन विश्वविद्यालयको क्रिकेट मैदान, कीर्तिपुर पुग्नुभएको छ । उहाँ एनपीएलको फाइनल खेल हेर्न त्यहाँ पुग्नुभएको हो ।
सुदूरपश्चिम रोयल्सले जनकपुर बोल्टविरुद्धको टस जितेर पहिले ब्याटिङ गरेको खेलमा जनकपुर बोल्ट्सविरुद्ध सुदूरपश्चिम रोयल्सले दुवै ओपनर गुमाएको छ । ओपनर सैफ अलि जैव र विनोद भण्डारी शतकीय साझेदारी गर्दै आउट भएका हुन् ।
उनीहरुले पहिलो विकेटकमा लागि ११७ रनको साझेदारी गरेका थिए । सैफ ४३ बलमा ६९ र विनोद ३१ बलमा ४१ रन बनाएर आउट भएका हुन् । बलिङमा जनकपुरका ललित राजवंशी र किशोर महतोले एकएक विकेट लिएका छन् । १३ ओभरमा सुदूरपश्चिमले २ विकेट गुमाएर १२० रन बनाएको छ ।
यसअघि सुदूरपश्चिमले लिगको शीर्ष स्थानमा रहेर क्वालिफायर खेल्ने क्रममा जनकपुरलाई ८ विकेटले पराजित गरेर फाइनल पुगेको हो । जनकपुरले कर्णाली याक्सलाई हराएको थियो ।
टिप्पणीहरू