भीम रावल एमालेबाट निश्कासित,दुई नेत्री निलम्बित

सत्तारुढ नेकपा (एमाले)ले पूर्वउपाध्यक्ष भीम रावललाई पार्टीबाट निकालेको छ ।

पार्टी हितविपरित सार्वजनिक अभिव्यक्ति दिँदै आएको आरोपमा स्पष्टिकरण सोधिएका उनले जवाफ नदिएपछि आज बसेको सचिवालय बैठकले पार्टी सदस्यबाटै निष्कासन गर्ने निर्णय गरेको हो । भाटभटेनीका सुपरमार्केटका मालिक मीनबहादुर गुरुङबाट जग्गा लिने निर्णयको विरोध गर्ने स्थायी समिति सदस्य बिन्दा पाण्डे र केन्द्रीय सदस्य उषाकिरण तिमिल्सिना भने छ-छ महिनाका निम्ति निलम्बमा परेका छन् । 

आजको बैठकमा शुरुमा यी दुईलाई एक-एक तह घटुवा गर्ने प्रस्ताव थियो । तर, अन्तिममा निलम्बन गर्ने निर्णय गरिएको हो ।