शहीद सप्ताह शुरु, शुक्रराज शास्त्रीको शालिकमा माल्यार्पण
आजदेखि शहीद सप्ताह प्रारम्भ भएको छ । मुलुकका विभिन्न कालखण्डमा भएका राजनीतिक आन्दोलनका क्रममा जीवन बलिदान गरेका शहीदहरुको सम्झनामा शहीद सप्ताह शुरु भएको छ ।
पहिलो दिन टेकूस्थित पचलीमा रहेको शहीद शुक्रराज शास्त्रीको शालिकमा माल्यार्पण गरिएको छ । काठमाडौं महानगरपालिकाकी उपप्रमुख सुनिता डंगोलले माल्यार्पण गरेकी हुन् ।
शास्त्रीलाई तत्कालीन राणा शासकले विक्रम संवत १९९७ माघ १० गते पचलीस्थित खरीको रुखमा झुण्डाएर मृत्युदण्ड दिएका थिए । त्यसपछि माघ १३ गते सिफलमा धर्मभक्त माथेमा, १५ गते दशरथ चन्द र गंगालाल श्रेष्ठलाई शोभाभगवतीमा गोली हानिएको थियो ।
माघ १६ गते शहीद दिवस मनाइन्छ । त्यो दिन सार्वजनिक बिदा दिइन्छ ।
टिप्पणीहरू