बेचन विरुद्धको मुद्दामा ‘अन्य’ आदेश, पूर्व गृहसचिव हेर्न नमिल्नेमा

सर्वोच्च अदालतले नक्कली भुटानी शरणार्थी प्रकरणका अभियुक्त बेचन झाको कागजात मागाउन आदेश दिएको छ । न्यायाधीशद्वय सारंगा सुवेदी र नित्यानन्द पाण्डेको संयुक्त इजलासले आज गरेको ‘अन्य’ आदेशमा उल्लेख छ ।

गत भदौ २ गते काठमाडौँ जिल्ला अदालतले उनलाई पूर्पक्षमा पठाउन आदेश दिएको थियो । तर झाले पूर्पक्षमा पठाउने जिल्लाको आदेश बदर गर्न मागसहित सर्वोच्चमा रिट हालेका थिए । उनको रिटमा सुनुवाई गर्दै सर्वोच्चले कागजात मागाउन आदेश दिएको हो । 

सोही प्रकरणका अर्का अभियुक्त पूर्व गृहसचिव टेकनारायण पाण्डेको मुद्दा भने हेर्न नमिल्नेमा राखिएको छ । उनको पेशी प्रधानन्यायाधीश प्रकाशमानसिंह राउतको इजालासमा परेका थियो । 

नक्कली भुटानी शरणार्थी प्रकरणमा पाण्डेलाई पहिलो अभियोगपत्रमै प्रतिवादी बनाइएको थियो । झालाई भारतबाट पक्राउ गरेर नेपाल ल्याएपछि उनीविरुद्ध पूरक अभियोग दर्ता गरिएको थियो ।