गते २२, मोर्चा ११

भोलि माघ २२ गते नेकपा (बहुमत) ले आह्वान गरेको नेपाल बन्द कार्यक्रम सफल पार्न संघीय राजधानी काठमाडौंका ११ स्थानमा विशेष मोर्चा रहने गरी कमाण्डर तोकिएको छ । नेकपाले दिएको जानकारीअनुसार कलंकी चोकमा युवराज ज्ञवाली र अष्टलक्ष्मी शाक्यलाई खटाइएको छ ।

बल्खु चोकमा बेदुराम भुसाल, सातदोबाटो चोकमा देव गुरुङ, पुल्चोकमा पम्फा भुसाल,कोटेश्वर चोकमा लीलामणि पोखेरलको जिम्मेवारी छ ।

त्यसैगरी भोलि बिहान सबेरैदेखि खटिनेहरुमा चाबहिल चोकमा वर्षमान पुन र हरिबोल गजुरेल, महाराजगञ्ज चोकमा शक्ति बस्नेत,गोंगबु चोकमा भीम रावल, बालाजु चोकमा रघुजी पन्त, रत्नपार्कमा नारायणकाजी श्रेष्ठ र जनार्दन शर्मा रहनुभएको बताइएको छ ।