बिपुल,रोशन र गोविन्द समूह जीतको मुखैमा
नेपाल पत्रकार महासंघको निर्वाचनको मतगणनाको परिणाम सार्वजनिक हुँदै गर्दा विपुल पोखरेल नेतृत्वको लोकतान्त्रिक– प्रगतिशील गठवन्धन जीत नजिक पुगेको छ ।
कूल खसेको सवा ११ हजार मतमध्ये साढे आठ हजार मतगणना हुँदा पोखरेल नेतृत्वको प्यानलले ५ हजार कटाएको छ । अब गणना हुन बाँकी झन्डै तीन हजार मतमा नतिजा सुरक्षित गर्न पोख्रेल नेतृत्वको गठवन्धनलाई एक हजार मत भए पुग्ने देखिन्छ ।
प्रदेश नेतृत्वमा पनि गठवन्धन नै अगाडि देखिएको छ। अन्तिम परिणाम आइसकेका वाग्मती,गण्डकी,कर्णाली,लुम्बिनी प्रदेशमा गठवन्धनले नतिजा आफ्नो पक्षमा पारेको छ। अधिकांश जिल्लामा पोखरेल नेतृत्वको गठवन्धन नै विजयी भएको छ । २२ जिल्लाको समग्र परिणाम आइसकेको छ । बिधागत क्षेत्रमा पनि गठबन्धनले बाजी मारेको छ ।
अस्ति सम्पन्न महासंघको निर्वाचनमा १३ हजार १०० मतदाता रहेकोमा सवा ११ हजार मत खसेको थियो ।
टिप्पणीहरू