महामारी बढ्दो,एक सातामा ७ सय २२ को मृत्यु (भिडियो )

कोरोना महामारीले संक्रमित र मृत्यु हुनेको संख्या ह्वात्तै बढाएको छ । पछिल्लो आठ दिनको तथ्याङ्कलाई हेर्दा हिजो सर्वाधिक २ सय २५ जनाको ज्यान गएपछि कूल ७ सय २२ जनाको मृत्यु भएको छ ।

अक्सिजन र स्वास्थ्य सामग्रीको अभावलगायतका कारणले मृत्यु हुनेको संख्यामा बृद्धि भएको बताइएको छ । अहिले मुलुकका अधिकांश अस्पतालमा अक्सिजन,स्वास्थ्य सामग्री र जनशक्तिको चर्को अभाव देखिन्छ ।

महामारीका कारण पछिल्लो समयमा १ लाख ५७ हजार ६२ जनामा गरिएको परीक्षणमा ७० हजार ६ सय ७ जना संक्रमित फेला परेका छन् । त्यसमध्ये हिजो मात्र सर्वाधिक ९ हजार ४ सय ८३ जनामा संक्रमण पुष्टि भएको हो ।

यसबीचमा २६ हजार ४ जना संक्रमणमुक्त भएका छन् । यसबाट पछिल्लो एक सातामा संक्रमणदर र संक्रमणबाट मृत्यु हुनेको संख्यामा अस्वाभाविक वृद्धि भएको देखिन्छ ।