संक्रमितभन्दा निको हुनेको संख्या २ हजार १० ले बढी, १ सय १ को निधन

कोरोनाबाट आज १ सय १ जनाको ज्यान गएको छ भने ६ हजार ६ सय ५३ जनामा संक्रमण पुष्टि भएको छ । तर आज संक्रमणको दोस्रो लहरपछि पहिलो पटक संक्रमितभन्दा निको हुनेको संख्या दुई हजार बढी देखिएको छ ।

पछिल्लो २४ घण्टामा गरिएको १४ हजार १ सय ८२ पीसीआर तथा ६ हजार ६ सय ३१ जनामा एन्टिजेन गरी २० हजार ८ सय १३ जनामा परीक्षण गरिएको थियो ।

आज ८ हजार ६ सय ६३ जना संक्रमणमुक्त भएका छन् । यो संख्या संक्रमितभन्दा २ हजार १० जना बढी हो । हालसम्म ज्यान गुमाउनेको संख्या ७ हजार ७ सय ३१ पुगेको छ ।

त्यस्तै, आज १ लाख ७ सय २८ जना सक्रिय संक्रमित रहेका छन् । आज पनि ७ सय ५५ जना क्वारेन्टिनमा रहेका छन् ।