धरानको भ्रष्टाचारविरुध्द काठमाडौंमा प्रदर्शन

धरानस्थित बीपी कोइराला स्वास्थ्य विज्ञान प्रतिष्ठानमा पछिल्लो समय देखा परेको राजनीतिकरण र भ्रष्टाचारविरुध्द चर्को आवाज उठिरहेका छन् ।

त्यहि क्रममा आज दिउँसो भद्रकालीमा बीपी कोइराला स्वास्थ्य विज्ञान प्रतिष्ठान शुध्दिकरण अभियान २०७८ को आयोजनामा शान्तिपूर्ण बिरोध प्रदर्शन भएको हो । प्रतिष्ठानमा भइरहेको राजनीतिकरण र भ्रष्टाचारविरुद्ध भएको प्रदर्शनमा नागरिक समाजका अगुवा नारायण वाग्ले,प्रतिष्ठानमा चौथो वर्षमा अध्यनरत प्रशान्त राई, विवेकशील पार्टीका केन्द्रीय सदस्य शशीविक्रम कार्की लगायतको सहभागिता थियो ।

विभिन्न नारा लेखिएका ब्यानर र प्लेकार्डसहितको प्रदर्शनमा बयलगाडीले माफियालाई बेच्छ हाम्रो स्वास्थ्य खरिद बिक्री हुन्छ,भोकको दबाई खोपको पर्खाई नकामी तिम्रो कमाई, ल्याएका थियौँ गणतन्त्र बनायौ तिमीले लुटतन्त्रलगायत नाराहरू लेखिएका थिए ।