मुख्य रजिष्ट्रार कुँवर एक महिने विदामा

उच्च अदालतको न्यायाधीशमा नियुक्त गरिएपछि असन्तुष्ट बनेका सर्वोच्च अदालतका मुख्य रजिष्ट्रार लालबहादुर कुँवरले एक महिना लामो घर विदा लिएका छन् । उनी यसअघि पनि एक साता विदामा बसेका थिए ।

चैत २५ गतेदेखि वैशाख २५ गतेसम्म एक महिनाको विदा स्वीकृत गराएर विदा बसेको सर्वोच्च स्रोतले जनाएको छ । कामु प्रधानन्यायाधीश दिपककुमार कार्कीबाट विदा स्वीकृत भइसकेको छ । कुँवरले मुख्य रजिष्ट्रारबाट न्यायाधीश पदमा जान अस्वीकार गरेका थिए । न्याय परिषद्ले उच्च अदालतको न्यायाधीश बनाउने निर्णयपछि कुँवर असन्तुष्ट छन् ।

गत चैत २५ गते कुँवरलाई तीन दिनभित्र उच्च अदालतमा हाजिर हुन कामु प्रधानन्यायाधीश दीपककुमार कार्कीले पत्र थमाएका थिए । कुँवर सोही दिनबाटै एक महिना लामो घर विदामा बसेका हुन् ।